Amerikalı konsul Kamçatkada saxlanılıb

Ölkə.Az "Ria Novosti" agentiyinə istinadən xəbər verir ki, ABŞ-ın Vladivastokdakı baş konsulu Meri Qann atla gəzinti zamanı Razdolnı qəsəbəsi ərazisində polislər tərəfindən saxlanılıb.

Bu barədə Rusiya Federasiyası DİN-in Petropavlovsk-Kamçatsk üzrə idarəsindən məlumat verilib.

Meri Qann Kamçatkaya mülki şəxs kimi qonaq gəlib. O, iki dostu ilə birlikdə atla gəzintiyə çıxıb. Burada onlar polislər tərəfindən saxlanılıb. Konsul sənədlərini təqdim etdikdən sonra buraxılıblar.

Razdolnı qəsəbəsi ərazisində xaricilər üçün reqlament rejimi qüvvədədir. Buraya gəlmək istəyən xarici vətəndaşlar FTX-dən yazılı icazə almalıdırlar. Meri Qann icazə almayıb. Lakin diplomatik toxunulmazlıq statusuna görə konsul azad edilib və cərimə ödəməyib.

İlhamə
Ölkə.Az