Parisdə toqquşma

Ölkə.Az Anadolu Agentiyinə istinadən bildirir ki, Parisdə həmkarlar İttifaqlarının çağırışı ilə ölkənin əmək qanunvericiliyində islahatlar edilməsinə qarşı etiraz aksiyaları keçirilib.

Polis aksiya iştirakçılarını dağıtmaq istəyərkən tərəflər arasında toqquşma baş verib. Fransa DİN-in məlumatına görə 40 nəfər, o cümlədən 27 polis işçisi yaralanıb. 60 aksiya iştirakçısı saxlanılıb.

DİN etiraz aksiyalarına bütün ölkə üzrə 125 min nəfərin qatıldığını bildirsə də, həmkarlar ittifaqları iştirakçıların sayının 1,3 milyon nəfərdən çox olduğunu bildirib. Parisdə 80 min nəfər etiraz aksiyasında iştirak edib. Eyfel qülləsi etiraz aksiyaları səbəbi ilə bağlanıb.

Bu aksiyaların Fransada keçirilən Avro-2016 futbol çempionatının gedişinə mənfi təsir göstərəcəyi bildirilir.

İlhamə
Ölkə.Az