"Ən güclü lider Putindir"

Ölkə.Az "CNN"ə istinadən xəbər verir ki, Fransanın eks-prezidenti Nikola Sarkozinin sözlərinə görə, RF prezidenti Vladimir Putinin güclü liderlik xüsusiyyəti Suriya böhranının nizamlanmasına kömək edə bilər.

Sarkozi deyib ki, Putinin yeri və nüfuzunu dünyada heç kim təkzib etmir. "Cənab Putinin liderliyi Suriyada iki koalalisiyanın olmamasına kömək edər. Ukrayna məsələsinə gəlincə, bu problemin həllinə çalışmadan, o həll olunmayacaq. Ukrayna məsələsi onların ailə məsələsidir. Ailə məsələlərinə isə qarışmaq düzgün deyil, burada hisslər baş roldadır.

Mən hesab edirəm ki, sanksiyalar aradan qaldırılmalıdır. Bizim bunsuz da kifayət qədər problemimiz var. Ən güclü olan tərəf kömək əlini ən birinci uzatmalıdır. Ən güclü isə Putindir",- deyə Sarkozi vurğulayıb.

İlhamə
Ölkə.Az