ABŞ konqresmeni silah satışına qarşı 15 saat çıxış etdi

Ölkə.Az "BBC"yə istinadən məlumat verir ki, senator-demokrat Kris Merfi 15 saat ərzində terrorçuluğa aiddiyyatı olan şəxslərə silah satışının qadağan olunması barədə qanun layihəsinin qəbul edilməsi zərurəti barədə danışıb.

Merfi tribunaya çıxıb və bildirib ki, demokratlar və respublikaçılar qanun layihəsinə aid razılığa gələnə qədər çıxışını davam etdirəcək. Beləliklə, məsələ ilə bağlı debatlar 15 saat davam edib.

Nəzəri cəhətdən ABŞ konqresində senator istənilən mövzuda istədiyi qədər danışa bilər. Vaxt məhdudiyyəti qoyulmur. Natiqin çıxışını dayandırmaq üçün zaldakı deputatların 60%-i səs verməlidir. 14 saat 50 dəqiqə davam edən məruzədən sonra Kris Merfi sosial şəbəkəsindəki səhifəsində qanun layihəsinin müzakirəyə çıxarılacağı barədə xəbər yazıb.

İlhamə
Ölkə.Az