Braziliyanın turizm naziri istefa verdi

Braziliyanın turizm naziri Enrike Alves korrupsiya qalmaqalında ittiham edildikdən bir gün sonra istefa verib.

Ölkə.Az CNN-ə istinadən xəbər verir ki, iyunun 16-da Braziliyanın baş prokuroru Rodriqu Jano ölkənin "Petrobras" dövlət neft qaz şirkəti ilə bağlı cinayət işində E.Alvesin iştirakına dair təkzibedilməz faktların olduğunu söyləyib.

Braziliyada neft şirkəti ilə bağlı maliyyə fırıldaqçılığı artıq iki ildir ictimaiyyətin diqqət mərkəzindədir. Federal polislər bu işdə yüksək vəzifəli məmurların, o cümlədən 3 nazirin də adının hallandığını bildiriblər.

Nazirlər dövlət büdcəsindən bir neçə milyard dollar vəsaiti mənimsəməkdə ittiham edilirlər.

İlhamə
Ölkə.Az