Miqrantlara qarşı etiraz edən alman ailəsi özü qaçqın düşdü

9 nəfərdən ibarət alman ailəsi yerli sosial xidmət idarələrinin təhdidlərindən qorxaraq Rusiyaya üz tutub.

Ölkə.Az Rusiya KİV-lərinə istinadən xəbər verir ki, bu ailə Almaniyada qaçqınlara qarşı keçirilən etiraz aksiyalarında fəal iştirak edib. Sosial xidmət orqanları ailə bu fəaliyyətini dayandırmayacağı təqdirdə ailədəki 4 balaca uşağı onlardan almaqla hədələyib.

"Biz ölkədən çıxmağa qərar verdik. Çünki qaçqınlar bizim iş yerlərimizi əlimizdən alırlar, siyasi vəziyyət bizi qane etmir. Uşaq təhsil sistemindən də narazıyıq. Artıq dördüncü sinifdən uşaqlara seksual tərbiyə dərsi verilir. Bu lap ağ oldu",- deyə ailənin başçısı İnessa Qrisbax bildirib.