Erməni hərbçiləri arasında dava

Ermənistanda dörd zabit hərbi polisin əməkdaşını döyüblər

Ölkə.Az Ermənistan KİV-lərinə istinadən məlumat verir ki, insident iyunun 15-də Ermənistanın Vardenis rayonunda baş verib. Bu barədə Ermənistan İstintaq Komitəsinin mətbuat xidməti məlumat yayıb. Zabitlər saxlanılıb. Ermənistan Respublikası Cinayət Məcəlləsinin 316 maddəsinin ikinci hissəsi üzrə (dövlət nümayəndəsinə qarşı zorakılıq) cinayət işi açılıb.

Saxlanılan zabitlər qondarma Qarabağ Respublikasının Müdafiə Nazirliyinin əməkdaşlarıdır. Bunlar mayor Ara Zaxaryan, leytenant L.Saakyan, baş leytenant K.Martirosyan və leytenant T. Anaxasyandır. Hərbi Polis əməkdaşı Andranik Matevosyan zabitlərin getdiyi avtomobili dayandırıb. Bu hərəkət zabitlərin xoşuna gəlməyib və aralarında mübahisə yaranıb. Onlar hərbi polis əməkdaşını döyüblər. Döyülən şəxs hospitala yerləşdirilib.

Daha sonra hərbi polis əməkdaşları Ara Zaxaryana qarşı güc tətbiq edib, onun əlini, ayağını sarıyaraq möhkəm döyüblər. Zaxaryan hospitala yerləşdirlib.

İlhamə
Ölkə.Az