Rusiya Dövlət Departamentinin Əsədi devirmək çağırışına cavab verdi
Rusiya Müdafiə Nazirliyi ABŞ Dövlət Departamentinin Bəşər Əsəd rejimini devirmək təklifinə cavab verdi
Ölkə.Az "Ria Novosti" agentliyinə istinadən xəbər verir ki, ABŞ Dövlət Departamentinin 50 əməkdaşının Bəşər Əsəd rejimini devirməklə bağlı cağırışına Rusiya Müdafiə Nazirliyinin cavabı özünü çox gözlətməyib.
RF Müdafiə Nazirliyinin rəsmi nümayəndəsi, general-mayor İqor Konaşenkovun bəyanatında deyilir: "Əgər bu məlumatlarda bir damla da olsa həqiqət payı varsa və ABŞ Dövlət Departamentində belə ciddi məsələlər "əmək kollektiv"i tərəfindən bu şəkildə səsvermə yolu ilə həll olunursa, bu istənilən sağlam düşüncəli insanı narahat etməyə bilməz. Və ən vacib sual budur. Bu bombalamalara görə məsuliyyəti kim daşıyacaq? Dövlət Departamentinin "əmək kollektivi"nin əksəriyyətimi? Bəlkə biz yenidən Əfqanıstan, İraq və Liviyada olduğu kimi Hollivud təbəssümünü müşahidə edəcəyik?"
