Pan Gi Mun sözünü geri götürməyəcək

Ölkə.Az Rusiya KİV-lərinə istinadən bildirir ki, BMT-nin baş katibi Pan Gi Munun rəsmi nümayəndəsi Stefan Dujarrik Ukraynanın tənqidlərinə cavab bildirib.

Xatırladaq ki, Pan Gi Mun RF prezidenti Vladimir Putinlə söhbət zamanı Rusiyanın münaqişələrin həllində mühüm rol oynadığını bildirib. Ukrayna tərəfi bu fikirlərə etiraz olaraq BMT-yə nota göndərəcəyini bəyan edib. Buna cavab olaraq Dujarik qeyd edib ki, baş katib öz sözlərini geri götürmək niyyətində deyil.

"Fakt budur ki, baş katibin də qeyd etdiyi kimi, RF BMT Təhlükəsizlik Şurasının daimi üzvüdür. Rusiya beynəlxalq münaqişələrin həllində çox böyük rol oynayır. Biz öz söylədiyimiz sözü geri götürmürük", deyə o, vurğulayıb.

İlhamə
Ölkə.Az