\"Boko Haram\" 18 nəfəri qətlə yetirib
İnsident Adamava ştatının Maqadali rayonunda baş verib.
Ölkə.Az Anadolu Agentliyinə istinadən məlumat verir ki, "Boko Haram" qruplaşmasının üzvləri Nigeriyanın şimal şərqində qətliam törədib.
Onların öldürdüyü 18 nəfərin əksəriyyəti qadın və uşaqlardır.
"Terrorçular motosikletlə gəldilər və ətrafa atəş açmağa başladılar. 18 nəfər öldü, ən az 10 nəfər yaralandı",- deyə hadisə şahidlərindən biri söyləyib. İnsident Adamava ştatının Maqadali rayonunda baş verib.
Polis əməkdaşı Otman Əbubəkr hadisəni təsdiq edərək ölənlərin sayının arta biləcəyini söyləyib.
