İraq ordusu Əl-Fəllucə şəhərinə nəzarəti tamamilə ələ keçirdi
İraqın hökumət qoşunları Əl-Ənbar vilayətinin ən böyük şəhəri olan Əl-Fəllucəni İŞİD-çilərdən tamamilə azad edilib.
Ölkə.Az Anadolu Agentliyinə istinadən məlumat verir ki, bu barədə İraqın baş naziri Heydər əl-İbadi məlumat verib.
Heydər əl-İbadi ölkənin dövlət kanalı ilə çıxışı zamanı deyib ki, ordunun növbəti hədəfi Mosul şəhəridir.
"Əl-Fəllucə yenidən ölkəmizin bir hissəsi oldu. Məqsədimiz şəhər sakinlərini müdafiə etməkdir. Dövlət strukturlarına şəhərdə əmlakın, əhalinin və dövlət strukturlarının qorunmasının təmin edilməsi barədə göstəriş vermişəm", - deyə baş nazir bildirib.
