2015-ci ilin məcburi köçkünlərinin sayı hesablandı

BMT-nin Qaçqınlar üzrə Ali Komissarı İdarəsinin (QAKİ) məruzəsi dərc edilib.

Ölkə.Az Anadolu Agentliyinə istinadən məlumat verir ki, məruzədə 2015-ci ildə müharibələr səbəbi ilə 65,3 milyon insanın öz evini tərk etdiyi bildirilir. Bu 2014-cü ilin göstəricisindən 6 milyon nəfər çoxdur. Onlardan 21,3 milyon nəfəri qaçqındır. Bu, 1990-cı ildən bu günə qədər qeydə alınmış ən böyük göstəricidir.

40,8 milyon insan öz ölkəsi daxilində məcburi köçkün vəziyyətində yaşayır. Bu da rekord göstəricidir.

Beləliklə, Yer kürəsində hər 114 nəfərdən biri sığınacaq istəyən insan, qaçqın və ya məcburi köçkün vəziyyətində yaşayır.

Ən çox qaçqın Suriya (4,9 milyon nəfər, Əfqanıstan (2,7 milyon nəfər) Somalidən (1,2 milyon nəfər) gəlir. Kolumbiya (6,9 milyon), Suriya (6,6 milyon) və İraqda (4,4 milyon) daxili qaçqınların sayı qalan bütün ölkələrin sayından çoxdur. Keçən il Yəmən əhalisinin 9%-i, yəni 2,5 milyon nəfər qaçqın düşüb.

Avropa ölkələri də istisna deyil. Ötən il Ukraynadan 593 min nəfər qaçqın Avropya üz tutub. Ölkə daxilində 1,6 milyon nəfər evlərini tərk eməli olub.

Ən çox qaçqın Almaniyaya və Türkiyəyə yerləşib.

İlhamə
Ölkə.Az