\"Belə davam etsə Ukrayna dəstəkdən məhrum olacaq\"

Ölkə.az Rusiya KİV-lərinə istinadən xəbər verir ki, NATO-nun keçmiş baş katibi, hazırda Ukrayna prezidentinin müşaviri vəzifəsini tutan Anders Foq Rasmussen Ukraynaya xəbərdarlıq edib.

O, Kiyevin üzərinə götürdüyü öhdəlikləri yerinə yetirməli olduğunu xatırladıb.

"Mən xəbərdarlıq edirəm. Əgər Ukraynada islahatlar keçrilməsə gələcəkdə rəsmi Kiyev həm ölkə vətəndaşlarının, həm də Qərbin dəstəyini itirəcək. Ukrayna Minsk sazişi ilə üzərinə götürmüş olduğu öhdəlikləri, xüsusilə desentralizasiya prosesini yerinə yetirməlidir",- deyən Rasmussen əlavə edib ki, Ukraynanın irəli sürdüyü təklif və təşəbbüsləri Qərbin diqqətinə çatdırmaq, eləcə də Ukraynanın fəaliyyətinə Qərbin göstərdiyi reaksiyanı Petro Paraşenkoya olduğu kimi təqdim etmək niyyətindədir.

İlhamə
Ölkə.Az