Rusiyada hərbi poliqonda yanğın baş verib

Həştərxanda hərbi hissədə yanğın baş verib. Məlumata görə, hərbi hissədə raket mühərrikləri alışıb.

Ölkə.Az "İtarTass" agentliyinə istinadən məlumat verir ki, Həştərxan vilayətinin Aşuluk hərbi poliqonunda plan işləri həyata keçirilərkən hədəf raketlərin mühərrikləri yanıb.

İlkin məlumatlara görə ölən və yaralanan yoxdur. Yaxın ərazilərdə yaşayan əhali təxliyyə edilir. Hadisə yerinə yanğınsöndürmə briqadaları və fövqəladə hallar xidmətinin əməkdaşları cəlb ediliblər.

İlhamə
Ölkə.Az