Avstraliyada eynicinslilərin nigahına rəsmi icazə veriləcək

Ölkə.Az "BBC"yə istinadən xəbər verir ki, Avstraliyanın baş naziri Malkolm Ternbull bu ilin sonuna qədər eynicinslilərin nigahına rəsmi icazə verilə biləcəyini söyləyib.

"Əgər parlament seçkilərində mənim koalisiyam çoxluq təşkil etsə, hakimiyyətdə olduğumuz ilk 100 gün ərzində ölkədə eynicinslilərin nigahına rəsmi icazə veriləcək",- deyə baş nazir bildirib.

Müxalif Leyboristlər Partiyası baş nazirin bu vədini tənqidlə qarşılayıb.

Malkolm Ternbull bu ilin mart ayında geylərin Sidneydə keçirdikləri nümayişə qatılıb. O, ölkə tarixində bu tip nümayişlərə qatılan ilk dövlət rəsmisidir. Avstraliyada keçirilən sorğulara əsasən əhalinin 80%-i eynicinsli nigahları məqbul hesab edir, yalnız 20% bunun qəbuledilməz və yolverilməz olduğunu düşünür.

İlhamə
Ölkə.Az