Ukraynalı həkimdən qorxunc etiraf

Ukraynalı həkim əməliyyat stolundakı yaralıları necə öldürdüyünü etiraf edib

Ölkə.Az Rusiyanın RenTv kanalına istinadən xəbər verir ki, tanınmamış Donetsk Xalq Respublikasının Yenakiyevo şəhərində fəaliyyət göstərmiş reanimatoloq həkim, indiki Ukrayna hakimiyyətinin qatı tərəfdarı olan Aleksandr Çernov "Ukrlife" telekanalının efirindən qorxunc etiraflar səsləndirib.

O 2014-cü ildə ölkədə gedən qanlı döyüşlər zamanı xəstəxanaya gətirilən müxalifətçiləri müxtəlif tibbi preparatların köməyi ilə öldürdüyünü söyləyib.
"Mən özüm üçün müəyyən strategiya hazırlamışdım. İlk növbədə öz təhlükəsizliyimi qoruyurdum. Bura ilk növbədə tibbi preparatlar vasitəsi ilə ziyan vurmaq daxil idi",- deyə Aleksandr Çernov bildirib.

"Əməliyyat otağındakı preparatlarla istəsən insanı çox rahatlıqla öldürə bilərsən. Elə öldürmək olar ki, bu ürək tutması, insult və ya qeyri-müəyyən bir xəstəlik kimi görünə bilər",- deyən Çernov bu cür əməllərin bütün dünyada cinayət əməli hesab edildiyini də xatırlatmağı unutmayıb.

İlhamə
Ölkə.Az