Con Kerri və Ancelina Coli müsəlmanlarla iftar ediblər

Ölkə.Az Anadolu Agentliyinə istinadən xəbər verir ki, ABŞı-ın dövlət katibi Con Kerri və BMT-nin sülh məramlı səfiri, Hollivud ulduzu Ancelina Coli Vaşinqtonda müsəlman icmalarının təşkil etdiyi iftar yeməyində iştirak ediblər.

Nitqinə "Salamün əleykum" deyərək başlayan Kerri dünyadakı qaçqın problemlərinə diqqət çəkib.

O, deyib ki, dünyada qaçqınlardan ibarət dövlət təşkil etmək mümkün olsaydı 22 millətdən ibarət bir ölkə yaranardı. Onun sözlərinə görə, qaçqınlar heç bir ölkə üçün təhlükə yaratmırlar. İnsanları doğulduğu ölkə və dininə görə ayırmaq isə ABŞ-ın dəyərlərinə ziddir.

"ABŞ-a gələn qaçqınlar ölkəmiz üçün təhlükəli deyillər", - deyə o vurğulayıb.

"Müəyyən dairələr elə təsəvvür yaratmağa çalışırlar ki, guya ABŞ müsəlman aləmi ilə müharibə aparır. Bu, kökündən yalnışdır. Dünyanın heç bir yerində müsəlmanlar ABŞ-da olduğu qədər sərbəst deyillər",- deyə dövlət katibi əlavə edib.

Ancelina Coli isə söyləyib ki, dünyada qaçqınların sayının artması ilə ksenofobiya da artmaqdadır.

İftardan öncə ABŞ silahlı qüvvələrində xidmət edən müsəlman zabit azan oxuyub.

İlhamə
Ölkə.Az