İki ölkə arasında Putinə görə

Finlandiya prezidenti İsveçin müdafiə nazirini geridə qalmış adlandırıb

Ölkə.Az "Ria Novosti" agentliyinə istinadən xəbər verir ki, Finlandiyada keçirilən təhlükəsizlik sammitində İsveçrənin keçmiş müdafiə naziri Karin Enstrim finlərin nə üçün Rusiya prezidentini ölkəyə dəvət etdiyini anlamadığını bildirib.

Buna cavab olaraq Finlandiya prezidenti Sauli Niiniste bildirib ki, Karin Enstrem həyatdan geri qalır.

"Bu gün bütün dünya Rusiya ilə əlaqələrini yüksək səviyyədə saxlamağa çalışır. Hətta, ABŞ belə münasibətlərin gərginləşməsini istəmir. Bizə Rusiya tərəfindən hər hansı bir təzyiq göstərilmir. Dünyanın hər yerində mən beynəlxalq birliyin Rusiyaya düzgün hərəkət etmədiyini anlatmalı olduğu barədə eşidirəm. Bununla belə Rusiya hər yerdə dialoqun qorunub saxlanmalı olduğu vacib ölkə kimi qiymətləndirilir", - deyə prezident vurğulayıb.

Qeyd edək ki, iyul ayında V.Putin Finlandiyaya rəsmi səfərə gedəcək.

İlhamə
Ölkə.Az