"300 spartalı"nın nə üçün lazım olduğu açıqlandı

Litvalı politoloq NATO qoşunlarının ölkəyə nə üçün lazım olduğunu açıqlayıb

Ölkə.Az "BBC"yə istinadən xəbər verir ki, Litvanın keçmiş müdafiə naziri Linas Linyaviçus NATO qoşunlarının ölkədə yerləşdirilməsinin nə üçün vacib olduğu barədə açıqlama verib. O qeyd edib ki, NATO hücum edən təşkilat deyil.

"Biz NATO ərazisinin bir hissəsiyik, bu ərazi isə hər hansı spesifik seqmentlərə bölünmür. NATO ərazilərinin hamısı eyni standartlarla müdafiə altına alınmış olur. NATO ciddi şəkildə müdafiə ilə məşğuldur. Bu təşkilatın hazırda öz qüvvələrini Baltikyanı ölkələrdə cəmləməsi barədə deyilənlər həqiqətə uyğun deyil. Burada sadəcə simvolik sayda hərbçilər yerləşdiriləcək. Alyans Rusiyanın təcavüzkarlığından ehtiyat edir",- deyə Linyaviçus bildirib.

İyun ayının əvvəlində NATO-nun Polşa, Estoniya, Latviya və Litvada hərbi hissələr yerləşdirəcəyi barədə məlumat yayılıb. Hər bir ölkəyə 800-1000 nəfərlik NATO hissəsinin yerləşdirilməsi nəzərdə tutulub. Rusiya tərəfi qarşı tərəfin açıqlamaları qarşısında yerləşdiriləcək NATO hissələrini sarkazmla "300 spartalı" adlandırmışdı.

İlhamə
Ölkə.Az