Məhəmməd peyğəmbərin saqqalı oğurlandı

Türkiyədə qeyri-adi oğurluq hadisəsi baş verib.

Ölkə.Az Türkiyə mətbuatına istinadən xəbər verir ki, bu dəfə oğrular qızıl, pul deyil İslam aləmində yüksək mənəvi dəyərə malik bir mirası-Məhəmməd peyğəmbərin saqqalını oğurlayıblar. Oğurluq hadisəsi Kocaeli vilayətindəki Dəyirməndərə Yalı Camisində qeydə alınıb.

Naməlum şəxslər Topqapı sarayında saxlanılan və Ramazan ayı münasibətilə məscidə gətirilən saqqalı oğurlayıblar.

Polislər tərəfindən araşdırma aparılır.

Xatırladaq ki, İstanbulun Topqapı sarayında Məhəmməd peyğəmbərin saqqalı, bir zamanlar Veysəl Qəraniyə hədiyyə etmiş olduğu hırkası, eləcə də islam aləmində dəyərli sayılan bir çox tarixi əşyalar qorunub saxlanır.

İlhamə
Ölkə.Az