Sarkisyan Ohanyanı Azərbaycana görə vəzifədə saxlayırmış

Ölkə.Az xəbər verir ki, Ermənistanın “Jovohurd” qəzetində Ohanyanın vəzifəsindən qovulmaması ilə bağlı maraqlı açıqlama verilib.

Məqalə müəllifi bildirib ki, Müdafiə Nazirliyinin kluarlarında yayılan söhbətlərə əsasən aprel döyüşlərindən sonra prezident Serj Sarkisyanla nazir Seyran Ohanyan arasında gizli danışıq olub. Aprel döyüşlərindən sonra Ermənistanın Silahlı Qüvvələrində yüksək rütbəli generalların istefaya göndərilməsindən sonra ölkənin müdafiə naziri Seyran Ohanyanın da vəzifədən uzaqlaşdırılacağı gözlənilirdi.

Lakin hələ ki, Ohanyana toxunulmayıb. Ermənistan prezidenti ilə müdafiə naziri arasında baş tutan dialoqda Sarkisyan Ohanyana Azərbaycan faktoruna görə, işdən çıxarılmadığını izah edib.

Sarkisyanın fikrinə görə, "Azərbaycan faktoru nəzərə alınmaqla onu vəzifədən istefaya göndərmək olmaz. Bu, Azərbaycanın əlinə təbliğat üçün əsas vermək deməkdir"

İlhamə
Ölkə.Az