Terrorçular Dağıstanda məktəbi yandırdılar

Ölkə.Az "İnterfaks" Agentliyinə istinadən xəbər verir ki, Dağıstanın Şamil rayonunda orta məktəb binasında dəhşətli yanğın baş verib.

Məktəb gözətçisi bildirib ki, 6 nəfər məktəbin həyətinə daxil olaraq onun əl-qolunu sarıyıb, daha sonra məktəbin binasına od vurublar.

Hadisə dünən gecə saatlarında baş verib. Fövqəladə Hallar Xidmətinin əməkdaşları yanğını söndürə biliblər. Yanğın nəticəsində məktəb binası yararsız hala düşsə də insan tələfatı yoxdur.

İlkin məlumatlara görə yanğını Dağıstan Respublikası ərazisində fəaliyyət göstərən qanunsuz silahlı qruplaşmanın üzvləri törədiblər.

Hazırda polislər cinayətkarların şəxsiyyətini araşdırmaqla məşğuldur.

İlhamə
Ölkə.Az