ABŞ Fəllucə qaçqınlarına 20 milyon dollar ayırır

BMT-nin Qaçqınların işləri üzrə Ali Komissarı İdarəsinin çağırışına cavab olaraq ABŞ, Əl-Fəllucə qaçqınlarına 20 milyon dollar ayırmaq barədə qərara gəlib.

Ölkə.Az "Anadolu" agentliyinə istinadən xəbər verir ki, Birləşmiş Ştatlar İraq ordusunun Ənbar vilayətinin Fəllucə şəhərində İŞİD terrorçularına qarşı apardıqları müharibə nəticəsində evlərini tərk etmiş insanları dəstəkləmək üçün bu addımı atıb.

"Bu ümumi humanitar yardımın bir hissəsi olacaq. 2014-cü ildən bəri 3,3 milyon iraqlı evlərini tərk etməyə məcbur olub.

ABŞ ölkə daxili qaçqınların sayının arta biləcəyindən narahatlıq duyur",- deyə Amerikanın Bağdaddakı səfirliyindən bildirilib. Bir ay əvvəl başlamış əməliyyatlar nəticəsində 85 min insan Fəllucədən qaçmağa məcbur olub.

İlhamə
Ölkə.Az