Bu gün Britaniyada Avropa İttifaqına üzvlüyə dair referendum keçirilir

Ölkə.Az "BBC"yə istinadən xəbər verir ki, bu gün Böyük Britaniyada Avropa İttifaqına üzvlüyə dair referendum keçirilir.

Əhali İttifaqın tərkibində qalıb-qalmayacağını səsvermə yolu ilə həll edəcək. Britaniyanın bu qərarı son günlərin əsas müzakirə mövzularından oldu və hətta iş o yerə çatdı ki, siyasi dairələrdə Brexit deyilən yeni termin də yarandı. Bu British Exit (Britaniyanın çıxışı) sözlərinin qısalmış versiyasıdır.

Bir çox ekspertlər Britaniyanın Avropa İttifaqından ayrılmasını birliyin dağılmasında ilk addım kimi qiymətləndirir və bunun yeni iqtisadi böhranlara səbəb olacağını vurğulayırlar.

İlhamə
Ölkə.Az