Demokratlar ABŞ konqresində oturaq etiraz keçirir

Demokratlar Partiyasının üzvləri konqresmenləri silah nəzarəti haqqında qanunun qəbul olunmasına səsverməyə məcbur etmək üçün döşəmədə oturaraq palatanı tərk etməkdən imtina ediblər.

Ölkə.Az "CNN"ə istinadən xəbər verir ki, konqresmenlərdən biri-John Lewis həmkarlarını heç zaman təslim olmamağa çağırıb. Palatanın respublikaçı spikeri Paul Ryan etirazı reklam manevri adlandıraraq rədd edib.

Konqresi idarə edən Respublikaçılar senatorların görüşündə fasilə elan etsələr də 100-ə yaxın Demokrat palatanın ön hissəsinə gələrək yerdə oturub və "qanun yoxdursa, fasilə də yoxdur" deyiblər.

Qeyd edək ki, iyunun 12-də, özünün İslam Dövlətinə sədaqət andı verdiyini iddia edən Omar Mətin "Orlando-da Pulse "gecə klubunda 49 nəfəri qətlə yetirib. Bu hadisədən sonra ölkədə silah satışına məhdudiyyət qoyulması təklifi gündəmə gəlib.

İlhamə
Ölkə.Az