"Boko Haram"dan qaçmağa çalışan 200 insan acından ölüb

Keçən ay ərzində Nigeriyada Boko Haram silahlılarından qaçmağa çalışan təxminən 200 nəfər acından ölüb.

Ölkə.Az "BBC"yə istinadən xəbər verir ki, bu barədə MSF tibbi xeyriyyə təşkilatının hesabatında məlumat verilir. Hesabatda deyilir ki, Niferiyada təxminən 24 min qaçqının yaşadığı düşərgədə “faciəvi humanitar vəziyyət” mövcuddur.

Bir çox sakinlər travma alıb və beş uşaqdan biri qida pozğunluğundan əziyyət çəkir.

İslamçı qruplaşmanın yeddi illik üsyanı 20 min insanın ölümü və iki milyondan çox insanın didərgin düşməsinə səbəb olub.

Nigeriya hökumətinin qruplaşmaya qarşı keçirdiyi geniş miqyaslı hücumlara baxmayaraq, "Boko Haram" hələ də ölkənin şimal-şərqində kəndlərə basqın edir, evləri dağıdır və su quyularını məhv edir.

Bəyanatda sakinlərə istinadən qeyd olunur ki, hər gün təxminən 30 nəfər acından və ya xəstəlikdən həlak olur.

İlhamə
Ölkə.Az