ABŞ yanır

Ölkə.Az Türkiyə KİV-lərinə istinadən xəbər verir ki, Amerikada isti hava və uzun müddətdir davam edən quraqlıq səbəbi ilə yaranan meşə yanğınları davam edir.

Duarte və Asuza şəhərləri yaxınlığında, San Gabriel dağlarında başlayan meşə yanğınları artıq yaşayış məntəqələrinə yaxınlaşıb. Yanğınlar 2 min hektar ərazini əhatə edir.

San-Diyeqonun şimal-şərqində, Meksika sərhədi yaxınlığında baş verən bir başqa yanğın nəticəsində yüzlərlə insan təxliyə edilib. 3 ev yanaraq külə çevrilib, minə yaxın evin isə boşaldılması əmri verilib.

Yanğın 2 min 500 hektar ərazini bürüyüb.

Hələlik yanğını nəzarətə götürmək mümkün olmayıb.

İlhamə
Ölkə.Az