İraqda İŞİD döyüşçüsü kimi həbs olunanlar azadlığa çıxacaq

İraqda İŞİD döyüşçüsü kimi həbs edilmiş yüzlərlə insan azadlığa buraxılacaq

Ölkə.Az "BBC"yə istinadən xəbər verir ki, Fəllucə şəhərinin İŞİD terrorçularından azad edilməsi üzrə əməliyyatlar zamanı İraq Təhlükəsizlik Qüvvələri tərəfindən həbs edilmiş yüzlərlə insan bu həftə azadlığa buraxılacaq.

"Azadlığa buraxılan insanlar şəhərin yenidən qurulması və təhlükəsizliyinin təmin edilməsi işinə yardım edəcəklər",- deyə Ənbar şəhərinin bərpası üzrə komissiyanın rəhbəri Əbdüllətif əl Həmim bildirib. Onun sözərinə görə, bu insanlar Fəllucədə hərbi bazada nəzarət altında saxlanılırlar.

Bir gün əvvəl BMT Təhlükəsizlik Şurası İraq hökumətini daxili qaçqınlar və azadlıqdan məhrum edilmiş şəxslərin hüquqlarının qorunmasını təmin etməyə çağırıb.

İlhamə
Ölkə.Az