Fransa və Hollandiyada da Aİ-dən çıxmağa dair fikirlər səslənməkdədir

Ölkə.Az "Ria Novosti" agentliyinə istinadən məlumat verir ki, Fransanın "Milli Cəbhə" partiyasının lideri Marin Le Pen Böyük Britaniyanın Avropa İttifaqından çıxmağa dair keçirdiyi referendumun nəticələrini alqışlayıb.

O, analoji referendumun Fransada da keçirilməsinə çağırıb.

"Azadlıq qələbə çaldı. Mən uzun illərdir Fransada və bütün Avropa İttifaqı ölkələrində belə referendum keçirilməsinə çağırıram",- deyə Le Pen özünün Twitter səhifəsində yazıb.

Hollandiyanın nüfuzlu partiyalarından birinin lideri, qaçqın siyasətinə qarşı kəskin baxışları ilə seçilən Geert Vilder bildirib: "Öz ölkəmizin, sərhədlərimizin və qaçqın siyasətimizin sahibi olmaq istəyirik".

İlhamə
Ölkə.Az