Ərindən intiqam almaq üçün uşaqlarını öldürməyə çalışdı
Sibirdə qorxunc ailə dramı yaşanıb.
Ölkə.Az Ria Novosti agentliyinə əsasən xəbər verir ki, Krasnoyarsk vilayətinin Poyma kəndində yaşayan qadın uzun illər vətəndaş nigahında olduğu və iki övladının atası olan adama zəng vuraraq uşaqları öldürəcəyini bildirib. Buna səbəb kişinin evi tərk edərək başqa qadınla yaşaması olub.
O, ərinə zəng edərək balaca uşağı artıq öldürdüyünü, böyük oğlanı isə öldürəcəyini söyləyib. Uşaq qışqıraraq telefonda atasından kömək istəyib. Hadisə yerinə gələn ata və polislər qapını qıraraq evə daxil olduqda çılğın qadın artıq uşağını evdə asmışdı.
Təcili tibbi yardım göstərilərək 2 yaşlı uşağı həyata qaytarmaq mümkün olub. İkinci uşaq qaçıb evdə gizləndiyi üçün xilas ola bilib.
İlhamə
Ölkə.Az
