\"Britaniyanın referendumundan sonra NATO-nun əhəmiyyəti artacaq\"

Britaniyanın Aİ-dən çıxması ona gətirib çıxaracaq ki, NATO hər zamankıdan daha vacib bir təşkilat olacaq.

Bu fikirləri NATO-nun baş katibi Yens Stoltenberq səsləndirib.

Bu barədə Ölkə.Az CNN-ə istinadən məlumat verir.

"Britaniya xalqı Aİ-dən çıxmağa qərar verdi. Buna baxmayaraq NATO üçün Birləşmiş Krallığın mövqeyi dəyişməz olaraq qalacaq. Britaniya NATO-nun güclü və sadiq müttəfiqidir və təşkilatda aparıcı rol oynamağa davam edəcək. NATO Şimali Amerika və Avropa arasında, eləcə də Avropa dövlətləri arasında əməkdaşlıq üçün vacib platformadır. Güclü, möhkəm və qərarlı NATO beynəlxalq təhlükəsizliyin təmin edilməsi üçün vacib dayaq, əsas amildir. İndi onun rolu daha da möhkəmlənir",- deyə NATO-nun baş katibi vurğulayıb.

İlhamə
Ölkə.Az