Herman Van Rompuy: Böyük Britaniya parçalana bilər
Şotlandiya və Şimali İrlandiya birmənalı olaraq “Brexit”lə barışmaq fikrində deyillər.
Avropa İttifaqı Şurasının keçmiş rəhbəri Herman Van Rompuy “Brexit” üzrə referendumun nəticələrini şərh edərkən Böyük Britaniyanın parçalana biləcəyini deyib.
Separatizmə meyilli Şotlandiya və Şimali İrlandiya birmənalı olaraq “Brexit”lə barışmaq fikrində olmadığını bildiriblər.
Şotlandiya hökumətinin başçısı Nikola Stercen region əhalisinin referendumda Britaniyanın Aİ-də qalmasına səs verdiyini qeyd edib.
Bir qədər əvvəl o, “Brexit”in baş tutacağı təqdirdə, Şotlandiya Milli Partiyasının regionun müstəqilliyi barədə təkrar referenduma nail olacağı barədə xəbərdarlıq etmişdi. Qeyd edək ki, əvvəlki referendumda Şotlandiya vətəndaşlarının 55,3 faizi regionun Birləşmiş Krallığın tərkibində qalmasına səs vermişdi.
Şimali İrlandiyanın ən iri millətçi partiyası olan “Sinn Fein” də öz növbəsində regionun İrlandiya ilə birləşməsinə dair referendum keçirmək niyyətində olduğunu bəyan edib. (oxu.az)
