İstanbulda terror aktında ölənlərin şəxsiyyəti müəyyənləşdirildi
Atatürk hava limanında həlak olmuş 36 nəfərdən 27-sinin şəxsiyyəti müəyyən edilib.
Ölkə.Az Türkiyənin NTV kanalına istinadən xəbər verir ki, onlardan 26 nəfəri Türkiyə vətəndaşlarıdır. Bu barədə məhkəmə ekspertizası rəsmi məlumat verib.
Artıq ölənlərdən 13 nəfərin cəsədləri qohumlarına təhvil verilib. Ölən terrorçu kamikadzelərin də cəsədləri tibbi ekspertizaya verilib.
Ölənlər arasında Rusiya və Ukrayna vətəndaşlarının olduğu barədə məlumat var.
Xatırladaq ki, bu gün Atatürk hava limanında törədilmiş 3 partlayış nəticəsində 36 nəfər ölüb, 147 nəfər yaralanıb.
