"Obama CV-sini göndərib və prezidentliyi başa çatan kimi İran bankında işləmək istəyir”.
İranlı məmurlar nə qədər maaş alır - eşidənlər şok oldu
İran dövlətində işləsəydiniz nə qədər maaş alardınız?
Ölkə.Az "BBC"yə istinadən xəbər verir ki, indi bu sual İranda böyük narazılıqlara və müzakirələrə səbəb olur.
Bir neçə gün əvvəl bir neçə dövlət məmurunun maaş sənədləri haqqında məlumatlar mətbuata sızıb və bəzi media qurumları tərəfindən dərc edilib.
Bu sənədlər şişirdilmiş maaşların verildiyini göstərir. Məsələn, dövlət bankının bir meneceri ayda 70 min dollar maaş alırmış.
Bunun tamamilə əksinə olaraq ictimai sektorda çalışanların – müəllimlərin, tibb bacılarının və jurnalistlərin aylıq maaşları təxminən 500 dollar təşkil edir.
Mühafizəkar siyasi dairələri dəstəkləyən media qurumları bu faktdan mötədil prezident Ruhaninin hökumətini tənqid etmək üçün istifadə edir.
Lakin hökumət bildirir ki, məmurlara belə maaşların verilməsi praktikası hələ keçmiş mühafizəkar prezident Mahmud Əhmədi Nejadın vaxtından qalıb.
İranlılar bu məsələni Twitterdə müzakirəyə qoyublar.
Bir istifadəçi Twitterlə dünya liderlərinin maaşlarını əks etdirən infoqrafika göndərib və altından belə yazıb: “Obama CV-sini göndərib və prezidentliyi başa çatan kimi İran bankında işləmək istəyir”.
İlhamə
