Avropa komissarı: Britaniya Aİ üçün üçüncü ölkəyə çevrilir
Ticarət üzrə Avropa komissarı Cecilia Malmström Böyük Britaniyanın Avropa İttifaqı ilə gələcək münasibətləri ilə bağlı danışıqlara başlamağın mümkünlüyünü rədd edib.
Ölkə.Az RiaNovosti agentliyinə istinadən xəbər veri ki, o deyib ki, Britaniya Aİ-dən çıxana qədər danışıqlar baş tutmayacaq. "Əvvəlcə çıxın, sonra danışıqlara başlayırsınız", - deyə Malmström Newsnight proqramının efirində bildirib.
"Aİ-dən çıxdıqdan sonra Britaniya hüquqi baxımdan "üçüncü ölkəyə" çevrilir. Yəni Britaniya Aİ ilə yeni müqavilənin şərtlərini müzakirə edənə qədər onunla ticarət Ümumdünya Ticarət Təşkilatının qaydalarına görə həyata keçiriləcək. Bu razılıq ittifaqın hər bir üzvü tərəfindən ratifikasiya edildikdən sonra qüvvəyə minəcək və bu da bir neçə il vaxt aparacaq.
Böyük Britaniya ilə isə danışıqlar prosesi hələ başlaya bilməz", -deyə komissar vurğulayıb.
İlhamə
