ABŞ İŞİD-in iki yüksək rütbəli hərbiçisini məhv edib
İraqda Mosul şəhəri yaxınlığında koalisiya qüvvələrinin hava zərbələri nəticəsində İŞİD-in iki yüksək vəzifəli məmuru məhv edilib.
Ölkə.Az "BBC"yə istinadən xəbər verir ki, onlardan biri İŞİD-in hərbi nazirinin müavini vəzifəsini daşıyan Basim Məhəmməd Əhməd Sultan əl-Baharidir. O, 2014-cü ildə Mosul şəhərinin işğal edilməsinə şəxsən rəhbərlik edib.
Öldürülən digər terrorçu Hatim Talib əl-Hamdunidir. O İŞİD bölmələrindən birinə rəhbərlik edirdi. Hər iki İŞİD-çi 25 iyunda endirilmiş dəqiq hava zərbələri nəticəsində öldürülüb.
Pentaqon hesab edir ki, onların öldürülməsi Mosulun azad edilməsini daha da sürətləndirəcək. İraq hökuməti Mosulu bu il azad edəcəyini vəd etsə də, Pentaqon bunu real hesab etmir.
İlhamə
