BƏƏ: \"Xaricdə milli paltar geyinməyin\"
Birləşmiş Ərəb Əmirlikləri hökuməti vətəndaşlarına xaricdə milli paltarlarını geyinməməklə bağlı xəbərdar edib.
Xəbərdarlığa səbəb isə keçən həftə ABŞ-ın Ohio ştatında polisin Əmirlikdən olan iş adamını həbs etməsi olub.
İş adamı ənənvi uzun köynək (dişdaşa) və ağ baş örtüyündə (qutra) olub.
BƏƏ mətbuatının verdiyi məlumata görə, iş adamı Avon şəhərindəki oteldə qalıb. Otel əməkdaşı ondan şübhələndiyi üçün polisə xəbər verib.
Ölkə Xarici İşlər Nazirliyi Twitter vasitəsilə həm ərəb, həm də ingilis dillərində vətəndaşlara ölkədən kənarda milli geyimlərdə olmamağı tövsiyyə etsə də, Ohio-dakı hadisədən söz açılmır.
Tvit vasitəsilə həmçinin qadınlara, geyinilməsi qadağan olunmuş Avropa ölkələrində burka geyinməmək tövsiyyə edilir. (milli.az)
