Ruslar Türkiyənin İncirlik hərbi bazasından istifadə edəcək
Türkiyə Rusiyaya İncirlik Hərbi Hava Qüvvələri bazasından istifadə etməyə icazə verəcək.
Ölkə.Az Ria Novosti agentliyinə istinadən xəbər verir ki, bu barədə Türkiyənin xarici işlər naziri Mövlut Çavuşoğlu məlumat verib.
" Biz İŞİD-ə qarşı mübarizə aparan hər kəslə əməkdaşlıq edəcəyik. Fəal mübarizəyə qoşulmaq istəyən hər kəs üçün İncirlik bazasını açmışıq. Türkiyə Rusiya ilə belə əməkdaşlığa hazırdır. Terrorizm bizim ümumi düşmənimizdir",- deyə o vurğulayıb.
Xatırladaq ki, hazırda Ankara ABŞ, Almaniya, Böyük Britaniya, Qətər və Səudiyyə Ərəbistanına hərbi hava qüvvələrinə İncirlik Hərbi Hava Bazasından istifadə etməyə icazə verir.
İlhamə
