Britaniya parlamenti Rusiyadan qorunmaq üçün hərbi qüvvələri artırmağa çağırıb
Britaniya Parlamentinin Müdafiə Komitəsinin məruzəsi dərc edilib.
Ölkə.Az "BBC"yə istinadən xəbər verir ki, məruzədə bildirilir ki, Birləşmiş Krallıq və NATO lazım gələrsə Rusuiyanın təcavüzünün qarşısını ala bilmək üçün kifayət qədər hərbi potensiala malik olmalıdır.
58 səhifəlik sənəddə qeyd edilir ki, Krımın ilhaqı və Rusiyanın Ukrayna ərazisinə silahlı müdaxiləsi Avropada sülh və sabitliyi ciddi təhdid edir.
Ekspertlərin rəyinə görə son zamanlar Rusiya hərbi təyyarləri dəfələrlə Britaniya və NATO-ya qarşı təcavüzkar hərəkətlər edib. Rusiya 48 saat ərzində 13 minə qədər hərbi qulluqçu, daha iki gün də keçsə 30 min hərbi qulluqçunu döyüş hazırlığı vəziyyətinə gətirə bilər.
"Rusiya hələ də Suriya münaqişəsinə siyasi və hərbi müdaxiləni dayandırmır, Bəşər Əsədi dəstəkləməkdə davam edir. Bu gün Britaniya və Rusiya arasında dialoq alınmır. İki ölkə arasında münasibətlər ən aşağı səviyyəyə gəlib çatıb",-deyə sənəddə qeyd edilir.
İlhamə
