Polşa Volınski qətliamını \"soyqırımı aktı\" kimi tanıdı

Ölkə.Az Ukrayna KİV-lərinə istinadən xəbər verir ki, Polşa parlamentinin yuxarı palatasının deputatları 11 iyulu II Polşa Respublikasının vətəndaşlarına qarşı törədilmiş soyqırımı günü kimi qeyd etməyə çağırıb.

Polşa senatının hazırladığı sənəddə bildirilir ki, Volınski qətliamında polyaklarla birlikdə yəhudilər, çexlər və digər milli azılıqların nümayəndələri həlak olublar.

Polşa parlamentinin yuxarı palatası öz həyatlarını risk altında qoyaraq polyakları xilas etmiş Ukrayna xalqına təşəkkürünü bildirib və faciə qurbanlarının xatirəsinin layiqincə qeyd edilməsinin vacibliyini vurğulayıb.

Sənəd 60 senator tərəfindən dəstəklənib, 23 nəfər əleyhinə səs verib, 1 nəfər bitərəf qalıb.

Xatırladaq ki, Volınski qətliamı 1943-44-cü illərdə Qərbi Ukraynada törədilib. Ukrayna Üsyançılar Ordusu cəlladlarının Ukraynanı milli azlıqlardan təmizləmə əməliyyatı adı altında həyata keçirdikləri vəhşilik hətta faşistləri belə mat qoymuşdu. Bu etnik təmizləmə nəticəsində əksəriyyəti polyaklar olmaqla 365 nəfər xüsusi amansızlıqla qətlə yetirilib.

İlhamə
Ölkə.Az