Dallaslı atıcı Əfqanıstan veteranı imiş

Ölkə.Az Reuters agentliyinə istinadən xəbər verir ki, ABŞ-ın Texas ştatının Dallas şəhərində 5 polisi öldürən şəxsin şəxsiyyəti müəyyən edilib. O, 25 yaşlı Miki Ksavyer Consondur.

Verilən məlumata görə, Conson 2009-cu ildən 2015-ci ilə qədər Texasda mühəndis briqadasında dülgər və bənna olaraq xidmət edib. 2013-cü ilin noyabr ayından 2014-cü ilin iyul ayına qədər Əfqanıstanda hərbi əməliyyatlarda iştirak edib.

Polislər onun evində aparılan axtarış zamanı partlayıcı hazırlamaq üşün kimyəvi maddələr, tüfənglər, zirehli jiletlər aşkarlayıblar.

İyulun 2-də Conson Facebook sosial şəbəkəsində Black Panther Party Mississippi qrupunda ağ irqin nümayəndələrini afroamerikalılara qarşı pis rəftar etməkdə ittiham edib və paylaşdığı şəkillə Black Power (Qara qüvvə) radikal hərəkatını dəstəklədiyini bildirib.

Xatırladaq ki, Conson 5 polis əməkdaşını öldürdükdən sonra özünü də öldürüb.

İlhamə
Ölkə.Az