Sudanda vəziyyət nəzarətdən çıxır

Ölkə.Az Ria Novosti agentliyinə istinadən xəbər verir ki, ABŞ-ın BMTdəki daimi nümayəndəsi Samanta Pauer Sudanda vəziyyətin nəzarətdən çıxdığını və çox kəskin hal aldığını bildirib.

BMT Təhlükəsizlik Şurası bazar günü ABŞ-ın təşəbbüsü ilə Sudandakı vəziyyətə dair təcili iclas keçirib.

Pauer bildirib ki, Cənubi Sudan prezidenti Salva Kiir və yeni vitse-prezidenti Riek Maşar əhalini sakit olmağa çağırsalar da, elə onların əmri ilə hökumət qoşunları küçələrə çıxaraq dinc sakinlərə və BMT missiyasına hücum edib. Bazar günü Cənubi Sudanın paytaxtında hökumət qoşunları ilə müxalifət arasında qanlı toqquşma baş verib.

Qarşıdurma zamanı 272 nəfər həlak olub. Onlardan 33 nəfəri dinc sakinlərdir.

İlhamə
Ölkə.Az