Ərdoğandan Türkiyədəki suriyalılarla bağlı

Ölkə.Az Türkiyə mediasına istinadən xəbər verir ki, ölkə prezidenti Rəcəb Tayyib Ərdoğan suriyalılara vətəndaşlıq haqqı verilməsindən sonra ikinci bir təklifi də irəli sürüb.

O, ölkəyə sığınmış suriyalı qaçqınların TOKİ-nin (Toplu Konut İdarəsi Başkanlığı - İctimai Mənzil Tikintisi Nazirliyi) əlində olan boş mənzillərə yerləşdirilə biləcəyini qeyd edib.

Ərdoğan suriyalılara qarşı təkliflərini tənqidlə qarşılayan müxalifət liderlərinə üz tutub.

"Onlar vətənlərindən qaçaraq bizə sığınıblar. Biz qaçqınları illərlə çadırlara sığınmağa, zirzəmilərdə yaşamağa məhkum edə bilmərik. Mən müvafiq nazirliklərə göstəriş verəcəm, araşdırma aparılsın. Suriyalı qaçqınları ölkəmizin müəyyən ərazilərində qəsəbələr salaraq yerləşdirmək lazımdır. Onların arasında ziyalılar, həkimlər, müəllimlər, mühəndislər var, ölkəmizə faydalı ola bilərlər. Qeyri leqal çalışan suriyalıların ölkəmizə fayda verməsinə, istehsal prosesinə qoşulmasına çalışmaq lazımdır",- deyə Türkiyə prezidenti bildirib.

İlhamə
Ölkə.Az