ABŞ müdafiə naziri gözlənilmədən İraqa gedib

Ölkə.Az BBC agentliyinə istinadən xəbər verir ki, ABŞ-ın müdafiə naziri Eşton Karter Mosul yaxınlığındakı Kayare aviabazası İraq qoşunları tərəfindən azad edildikdən dərhal sonra bu ölkəyə səfər edib.

Kayrenin alınması artıq 2 ildir İŞİD-in işğalı altında olan Mosulun mühasirəyə alınmasına imkan verəcək. Karter Kayare aviabazasının alınmasını "strateji qələbə" adlandırıb.

Karter həmçinin bildirib ki, Amerikanın hərbi müşavirləri Mosulun mühasirəyə alınması əməliyyatları başlayan zaman İraq hərbçilərinə kömək edə bilərlər.

İlhamə
Ölkə.Az