Meksikada "Zika" virusu tüğyan edir
Meksikada "Zika" virusu yenidən baş qaldırıb.
Ölkə.Az xəbər verir ki, ölkənin Çyapas və Oaxaka ştatlarında 365 hamilə qadında bu təhlükəli virus aşkarlanıb.
Məlumata görə, virusa yoluxmuş qadınların bir hissəsi vaxtında edilən tibbi müdaxilə nəticəsində uşaqlarını sağlam dünyaya gətiriblər. Geridə qalan qadınların da həkim nəzarətində olduğu bildirilir.
Xatırladırıq ki, əsasən Latın Amerikası ölkələrində yayılan bu virusun əsas daşıyıcıları milçəklərdir.
Qeyd edək ki, virusa yoluxan hamilə qadınların uşaqlarının beyini inkişafdan qalır və onlar debillik sindromu ilə doğulurlər.
