Britaniyanın yeni baş naziri qadın olacaq

Ölkə.Az "BBC"yə istinadən xəbər verir ki, Birləşmiş Krallığın baş naziri David Cameron çərşənbə günü axşama qədər ölkənin yeni baş nazirinin olacağını bəyan edib. Bu indiki daxili işlər naziri, Mühafizəkarlar partiyasının yeni ideri Teresa Maydır.

Bundan bir neçə saat əvvəl Mühafizəkarlar partiyasının yeni lideri vəzifəsi üçün mübarizə aparan iki şəxsdən biri bu yarışdan geri çəkilib.

Brexit tərəfdarı olan Andrea Ledsom öz namizədliyini geri götürüb. Onun fikrincə Teresa May ölkənin Aİ-dən çıxmasını həyata keçirəcək ən bacarıqlı şəxsdir.

David Cameronun sözlərinə görə Andrea Ledsom mübarizədən çəkilərək "tamamilə düzgün addım atıb".

"Teresa May Mühafizəkarlar partiyasının parlamentdəki nümayəndələrinin böyük əksəriyyətinin dəstəyini qazanıb. May güclü və bacarıqlıdır və növbəti bir neçə ay ərzində liderlik göstərməyə tam qadirdir",- deyə Cameron bildirib.

David Cameron çərşənbə günü axşamadək öz istefasını təqdim edəcəyini söyləyib.

İlhamə
Ölkə.Az