İstanbul terrorunda Azərbaycan vətəndaşlarının əli var?

İstanbul aeroportunda törədilmiş terror aktı ilə əlaqədar saxlanılan 37 nəfərdən yeddi nəfəri xarici dövlətlərin vətəndaşlarıdır.

Ölkə.Az Türkiyə mətbuatına istinadən xəbər verir ki, saxlanılan şəxslərin adları çəkilməsə də onlardan üçünün Əlcəzair, iki nəfərinin Tunis və bir nəfərin Misir vətəndaşı olması məlumdur.

Terror törətməkdə şübhəli bilinən şəxslər arasında Azərbaycan vətəndaşının adı çəkilmir. Beləliklə, daha öncə terror aktında Azərbaycan vətəndaşının da əlinin olduğuna dair yayılmış informasiya təsdiq olunmayıb.

Xatırladaq ki, iyunun 28-də İstanbulun Atatürk aeroportunda İŞİD tərəfindən törədilmiş terror aktında 45 nəfər ölüb, 239 nəfər isə müxtəlif xəsarətlər alıb.

İlhamə
Ölkə.Az