Bu ölkə yer üzündən silinəcək

Ölkə.Az Rusiya KİV-lərinə isitinadən xəbər verir ki, Banqladeşdə qaçınılmaz olam meqazəlzələ gözlənilir.

Bu zəlzələ nəticəsində ölkə xəritədən silinəcək və ən az 140 milyon insan məhv olacaq. Bu barədə Kolumbiya Universitetinin alimləri Nature Geoscience jurnalinda xəbərdarlıq ediblər. Gələcək fəlakətə səbəb olaraq alimlər Hind-Avstraliya tektonik plitəsinin Birma plitəsinin altına sürüşməkdə olmasını göstəriblər.

Hazırda həm Hind okeanında, həm də bütün materikdə plitələrin yüklənmə prosesi gedir. Yeraltı gərginlik artıq 400 ildir toplanmaqdadır. Alimlər bu gərginliyin 40 min kvadrat metr ərazidə 9 bal gücündə zəlzələyə səbəb ola biləcəyini bildirilər.

2004-cü ildə Hind -Avstraliya tektonik plitəsinin yüklənməsi Hindistan, İndoneziya, Tailand və Şri-Lankada zəlzələ və sunamiyə səbəb olmuşdu və bir neçə saat ərzində 230 min insan həyatını itirmişdi. Alimlər bu dəfə eyni fəlakətin bütün materik boyunca təkrarlanacağı barədə xəbərdarlıq edib, həyəcan təbili çalırlar.

Hazırda Banqladeşdə 168 milyon insan yaşayır.

İlhamə
Ölkə.Az