Bu smartfon ilk gündə satış rekordu vurdu

"Vivo" şirkəti Çində ilk satış günündə 250 min ədəddən çox X7 smartfonunun satışını həyata keçirib.

Ölkə.Az lent.az-a istinadən bildirir ki, bu günlərdə Çində "Vovo X7" smartfonlarının satışına start verilib. İlk gün ərzində qiyməti 375 dollar olan smartfonu 25 mindən artıq insan əldə edib.

Analitiklərin fikrincə, cihazın belə tələbatlı olmasına səbəb şirkətin uğurlu reklamı və smartfonun içinin texniki tərəfdən yaxşı olması ilə izah olunur.

Məlumdur ki, iyulun 15-dən etibarən "Vivo X7 Plus" smartfonunun yeni modifikasiyası satışa çıxarılacaq. Yeni smartfon metal korpusa, 5,2 düymlu displeyə malik olacaq və iki SİM-kartı dəstəkləyəcək. Həmçinin cihaz iki kamera və barmaq izləri skaneri ilə təchiz edilib.