Rusiyada vəba xəstəliyi yayılıb

Ölkə.Az RiaNovosti agentliyinə istinadən xəbər verir ki, Rusiyada bir nəfərdə vəba xəstəliyi aşkarlanıb.

Xəstə Altay Respublikasının Koş-Aqaç rayon xəstəxanasına yerləşdirilib. Xəstə oğlan altısı uşaq olmaqla, 17 nəfərlə ünsiyyətdə oluğunu bildirib. Onların hamısı izolyatora yerləşdirilib və nəzarət altındadırlar. Hələlik onlarda infeksiya əlamətləri müşahidə edilməyib.

Vəba - ağır ümumi intoksikasiyası nazik bağırsağın zədələnməsi, su-duz mübadiləsinin pozulması ilə gedən kəskin infeksion xəstəlikdir; çox qorxulu infeksiyalar qrupuna aiddir. Törədicisi - vəba vibrionudur. Xəstəlik kəskin şəkildə başlayır. İshal əmələ gəlir, sonra nəcis su kimi olur və çox ifraz olunur. Adətən, qarında ağrılar olmur. İshalın sayı xəstəliyin gedişinin ağırlığına müvafiq olur. Tipik hallarda nəcis düyü həliminə oxşayır, əzilmiş kartof və ya balıq şorbası iyi verir. Xəstələrin əksəriyyətinin dili quru, qarnı batıq olur. Bundan başqa ürəkbulanma, qusma, aşağı və yuxarı ətrafların qıcolmaları baş verir.

Üzün cizgiləri sinirləşir, gözləri içəri batır, skleralar bulanıqlaşır, dəri göyərir, soyuq olur, qırışır və qırışıqlar gec açılır («paltaryuyan qadın əlləri»). Səs boğuq olur və sonra batır. Təngnəfəslik, taxikardiya güclənir, temperatur normadan aşağı olur. Müalicə olunmadıqda maye itkisi bədən çəkisinin 10-12 %-ni təşkil edir. Bədən çoxlu duz itirir. Vəba xəstələri mütləq xüsusi epidemik rejimli xəstəxanaya qoyulmalıdırlar.

İlhamə
Ölkə.Az